ننتظر تسجيلك هـنـا



الإهداءات


 
الانتقال للخلف   منتديات انت لا غير > المنتديات الاجتماعية > المنتدى الطبي والابحاث الطبيه
 

المنتدى الطبي والابحاث الطبيه للارشادات الطبيه ومتابعة كل مايتعلق بالطب والصحة


« آخـــر الــمــواضــيــع »
         :: #مندى #الفراخ (آخر رد :تغريد)       :: العطاء فن (آخر رد :تغريد)       :: الذين يرثون الفردوس (آخر رد :تغريد)       :: علاج ضيقة الصدر (آخر رد :تغريد)       :: الشخصية القوية (آخر رد :تغريد)       :: الثلاثاء : ثلاث ظواهر فلكية (آخر رد :تغريد)       :: تقنية البلوكتشين (آخر رد :تغريد)       :: مركز صيانة اريستون بمصر (آخر رد :ذكريات)       :: الهي (آخر رد :تغريد)       :: #كفتة الفراخ المشوية (آخر رد :تغريد)       :: تنبيه - منطقة_الرياض (آخر رد :تغريد)       :: مونتاج مقاطع الفيديو (آخر رد :تغريد)       :: نماذج التسجيل والاستبيانات (آخر رد :تغريد)       :: فتاوى نور على الدرب 68 (آخر رد :تغريد)       :: لتسهيل بعض المتشابهات في القرآ (آخر رد :تغريد)       :: نكت عابره (آخر رد :د.ساري الرياض)       :: صفوان السويكت رئيساً للنصر (آخر رد :عبودي)       :: الجزائر يفوز على نيجيريا ويقاب (آخر رد :عبودي)       :: شرطة عسير تكشف تفاصيل (آخر رد :د.ساري الرياض)       :: سو تخريج (آخر رد :د.ساري الرياض)       :: 😂#فراخ_مشوية_ (آخر رد :تغريد)       :: منطقة_مكة_المكرمة (آخر رد :تغريد)       :: الفرق بين المودم والراوتر (آخر رد :تغريد)       :: الشيخ محمد ابن عثيمين فتاوى نو (آخر رد :تغريد)       :: فَلَمْ يَحُطْها بنَصِيحَةٍ (آخر رد :تغريد)       :: تطبيق آيات وأذكار (آخر رد :ذكريات)       :: مظلات الحدائق برجولات جذابه (آخر رد :عاشق المملكه)       :: اطارات (آخر رد :تغريد)       :: يا مصحفا (آخر رد :تغريد)       :: أعلى درجات حرارة سجلت اليوم (آخر رد :تغريد)      

 
 
أدوات الموضوع انواع عرض الموضوع
#1  
قديم 05-12-2019
نائب المير العام للشؤن الاداريه
Saudi Arabia     Female
اوسمتي
وسام العطاء الفضي 
لوني المفضل Black
 رقم العضوية : 1849
 تاريخ التسجيل : Feb 2016
 فترة الأقامة : 1261 يوم
 أخر زيارة : منذ 18 ساعات (03:12 PM)
 الإقامة : الرياض
 المشاركات : 3,049 [ + ]
 التقييم : 40
 معدل التقييم : تغريد is on a distinguished road
بيانات اضافيه [ + ]
افتراضي إيه هى جرثومة المعدة ؟



- إيه هى جرثومة المعدة ؟
- ج - دى عبارة عن بكتريا تدخل الجسم عن طريق الاكل والشرب وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...

# س - هل منتشرة بين الناس ولا محدودة فى ناس معينة ؟
- ج - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالين تلتين السكان ) ..

# س - طيب هل تعمل قرحة مع كل الناس ؟
- ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...

# س - طيب بتدخل الجسم ازاى ؟
- ج - بتدخل مع الأكل والشرب ..
- الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها ملانه بكتريا عشان نظام الصرف عندنا داخل مع الرى ومع الشرب ...

# س - طيب دخلت خلاص ها وبعدين بتعمل ايه فى المعدة ؟
- ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة ...

# س - طيب لو انا عندى قرحة نتيجة جرثومة معدة هحس بإيه .. ??
- ج - هتلاقى عندك ألم فى بطنك ومعدتك فاضية وانت جعانة ولما تاكلى الألم يخف شوية ويرجع يجى تانى بين الوجبات ..
- دايما عندك انتفاخات وغازات ..
- دايما عندك تكريع ...
- هتحسى بغثيان وممكن ارتجاع ..
- وزنك هيقل فجأة بدون سبب ...

# س - ايه العلامات اللى اخاف منها الخطيرة ؟
- ج - لو فى دم فى الموضوع ..
- سواء دم فى البراز احمر او البراز لونه اسود ..
- او لو رجعتى دم ..
- او لو الالم على طول مش بيروح او حاسة بتعب شديد وتوهان ..

# س - طيب إزاى اتأكد ان عندى جرثومة المعدة ؟
- ج - باالتحاليل اعملى تحليل H.pylori سواء فى الدم او البراز ..
او الطريقة التانية بالمنظار ..

# س - طلعت موجوده عندى، ايه العلاج
?
- س - غالبا العلاج بيكون ١٤ يوم
- بتبدأى .. بالعلاج الثلاثى ..
اوميبرازول ٤٠ مجم حبة قبل الفطار وقبل العشاء
مترونيدازول ٥٠٠ مجم صباحا ومساءا بعد الاكل
كلارثرومايسين ٥٠٠ مجم صباحا ومساءا بعد الأكل
كملى ١٤ يوم بنفس الجرعات
بعد ١٤ يوم كملى على الاوميبرازول بس ..

💐🌸وفيه حبوب هيليكيور بردو لعلاج الجرثومه وممتازة

# س - امتى اعمل تحليل اتأكد راحت ولا لأ ؟
- ج - بعد شهر من العلاج ..

# س - طيب هل فى ادوية بتأثر على نتيجة التحليل ؟
- ج - ايوه المضاد الحيوى لو بتاخديه وروحتى عملتى تحليل هيطلع سالب عشان كده قبل ماتروحى لازم توقفى المضاد الحيوى اسبوعين على الاقل قبل ماروح ...

# س - إزاى احمى نفسى وولادى من جرثومة المعدة يادكتورنااا ؟
- ج - النظافة ثم النظافة ثم النظافة ...
- لما تدخلى الحمام اغسلى ايدك كويس وانت خارجة ..
- قبل ماتاكلى اغسلى ايدك كويس ...
- الاكل يستوى كويس بلاش أكل نى وبلاش اكل مطاعم ..
- بلاش تشربوا من مية الحنفية او اشترى فلتر فى بيتك ينقى الميه ..
- بلاش عصبية او ضغط عصبى او تدخين او خمرة ...

# س - طب ايه الاكل اللى ياكله مريض جرثومة المعدة ؟
- ج - الصبح حليب بالعسل او ميه بالعسل على الريق ..
- وجبتك يكون فيها خضروات وفواكة وحبوب كاملة ...
- بالليل عشاء خفيف فيه علبة زبادى ...
- بلاش تاكلى كتير مرة واخدة وكلى وجبات صغيرة اكتر من مرة ..
- بلاش فواكة حمضية زى الليمون واليوسفى والبرتقال ..
- بلاش مقليات بزيادة او اكل مسبك بزيادة وملان دهون ...
- بلاش بهارات او حراق بزيادة ياحبايبنااااااااا
- بلاش شاى او قهوة خصوصا علي معدة فاضية ...
،، متنسوش تعملوا شير و منشن لكل أم و أب 🌷💜🌹
,,البوست نقلا عن الدكتور عبدالسلام مصطفي ، جزاه الله خيرا علي هذا المجهود



 توقيع : تغريد

صوت البلابل بالشجر ذاك تغريد
وحرفك يغرد صوت كله وناسه
بين الكلام الزين وبالدرس تجويد
وعلم الحديث وجو. كله دراسه
بقلم د سارى

رد مع اقتباس
 


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:27 AM.


Powered by vBulletin® Version 3.8.7
Copyright ©2000 - 2019, vBulletin Solutions, Inc. Trans by
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009