ننتظر تسجيلك هـنـا



الإهداءات


 
الانتقال للخلف   منتديات انت لا غير > المنتديات الشعرية والأدبيه > منتدى همس المشاعر
 

منتدى همس المشاعر هذا المنتدى خاص باابداعات الاعضاء الشخصيه


« آخـــر الــمــواضــيــع »
         :: نصائح ذهبية (آخر رد :تغريد)       :: تنبيه - #منطقة_الرياض (آخر رد :تغريد)       :: خلفيات ورد للتصميم (آخر رد :تغريد)       :: التوقيع الإلكتروني (آخر رد :تغريد)       :: صلصة البيتزا (آخر رد :تغريد)       :: منطق راقي (آخر رد :تغريد)       :: إلا أن يتغمدني الله برحمة (آخر رد :تغريد)       :: تنبيه - #منطقة_الرياض (آخر رد :تغريد)       :: طريقة تحضير - الفتوش (آخر رد :تغريد)       :: تحويل الصوت الي نص مكتوب (آخر رد :تغريد)       :: الهي ما سالت سواك عونا (آخر رد :تغريد)       :: لشراء آمن عبر الإنترنت (آخر رد :تغريد)       :: إني لا أصلح للقضاء (آخر رد :تغريد)       :: الطهور شطر الإيمان (آخر رد :تغريد)       :: تشيز سافويار بالفواكه (آخر رد :تغريد)       :: الموضوع فيه إنّ (آخر رد :تغريد)       :: الخوف من الرياء والنفاق (آخر رد :تغريد)       :: صور غريبة (آخر رد :تغريد)       :: حقوق_مستفيدي_البريد (آخر رد :تغريد)       :: تنبيه متقدم منطقة_الرياض (آخر رد :تغريد)       :: تتأمل قصص الأنبياء (آخر رد :تغريد)       :: ميني إكلير بالنوتيلا (آخر رد :تغريد)       :: الطبيعة الجميلة (آخر رد :تغريد)       :: حياةُ ابن آدم مهما تطولُ (آخر رد :تغريد)       :: خلفيات للتصميم (آخر رد :تغريد)       :: تنبيه - منطقة_القصيم (آخر رد :تغريد)       :: يُحِبُّهُمْ وَيُحِبُّونَهُ (آخر رد :تغريد)       :: رحلة الحياة (آخر رد :تغريد)       :: تنبيه منطقة_الرياض (آخر رد :تغريد)       :: الكعبة المشرفة (آخر رد :تغريد)      

 
 
أدوات الموضوع انواع عرض الموضوع
#1  
قديم 06-13-2019
Saudi Arabia    
لوني المفضل Blue
 رقم العضوية : 2055
 تاريخ التسجيل : Jan 2019
 فترة الأقامة : 301 يوم
 أخر زيارة : 10-01-2019 (01:08 PM)
 المشاركات : 9 [ + ]
 التقييم : 10
 معدل التقييم : ورده is on a distinguished road
بيانات اضافيه [ + ]
افتراضي ابيات لفحول الشعراء



اللي يبينا عيت النفس تبغيه ... واللي نبيه عيا البخت لا يجيبه
نوره الحوشان

لاصار ماراس المعادي تقصه ... افرش عباتك وانجضع كنك الكلب!
حطاب بن سراج

ولد الردي لو طاب لك لاتماشيه ... يومين والثالث يبين الردى به
مشعان الهذال

الهجن ماهيب لك يالبايع الشاري ... الهجن للي ينوس العلم ويجيبه
شيبان بن قويد

المستريح اللي من العقل مسلوب ... وان شفت لك عاقل ترى الهم دابه
عبدالله الربيعه

ان كان باقي العمر جا مثل ماضيه ... يا عنك ماتسوى ريال حياتي
ضاري الرشيد

حالف(ن) ماسلا ولا انسى حب ساره ... لين اهل شقرى يخلون الصلاتي
محمد بن حصيص

كم واحد(ن) له غاية ماهرجها ... يكنها لو هو للادنين محتاج
يخاف من عوجا طوال عوجها ... هرجة قفا يركض بها كل هراج
محمد السديري

الطيب ماهو بس للظاعنينا ... قسم(ن) وهو بين الوجيه المفاليح
البدو واللي بالقرى نازلينـــا ... كل(ن) عطاه الله من هبة الريــــــــح
بداح العنقري

النوم ساس اللوم بان الردى به ... عين تبي النوماس نومه شلافيح
مريبد العدواني

ياعلي خل العيد لام الدناديش ... اللي تنظف كل يوم جسدها
العيد عيدالله ولو فات حتيـــش ... من حسبة ايام يمرك عددها
صقر النصافي

لو كل من قال المثايل عسفها ... ماصار نقص بالمعانــــــي ولا زود
البندق العوجا تجنب هدفهـــــا ... لا صار منظرها عن القطر مصدود
مرشد البذال

البن كيفه عند من يشربونه ... واالمشكل اللي جابها من بلدها
مدوخ بن ضمنه

ول ياعجوز من روى شط بغداد ... سمت على الحـــــر الفلاحي ولدها
تباه يطلع مثل زايد ولا فـــــــاد ... ماكل من هاز الطويله صعدهــــــــــــا
بندر بن سرور

الاحسان ياابن عبيد يجزى بالاحسان ... والشر تنظحه الجيه الشريــــره
ما قل دل وزبدة الهرج نيشـــــــــــــــان ... والهرج يكفي صامله عن كثيره
راكان بن حثلين

ياماحلا يا عبيد في وقت الاسفار ... جر الفراش وشب ضو المنـــــاره
مع دلة تجذا مع صالي النـــــــــار ... ونجر ليا حرك تزايد عبـــــــــــــاره
( واخير منها ركعتين بالاسحـــــار ... لا طاب نوم اللي حياته خساره )
تركي بم حميد

الحر لا صكت عليه المغاليب ... ملزوم عن دار المذله ينزي
مسلط الجربا

شابت لحانا مالحقنا هوانا ... وعزي لمن شابت لحاهم على ماش
مبارك بن مرجان

ارجي ثلاث فيك من دون منه ... الدين الاول والكرم والشجاعه
والرجل لا من الثلاث افختنــه ... لا ينبغى زوله ولا به طماعـــه
سعد بن هتيل

الخيل تدرى بك نهار المثـــــارات ... ياللي على كل الملا فيك نوفي
الخيل تقفي من فعولك منيفات ... تاطا شخانيب الرضم ما تشوي
سعدون العواجي

ياحجاجير البني مالكم مله ... ماطلع فيكم فهيم وعاروفــــــــــــــه
ماتخلون المولع على خله ... لين يشرب من هوي البيض بكفوفه
محمد بن جدوع

من لا استشارك لا تباديه بالشور ... ومن لا يودك نور عينك فراقه
الدقيس

العبد عبد(ن) هافيات عموقه ... ان جاع باق عمومته وان شبع ماق
محمد بن لعبون

الصدق يبقى والتصنف جهاله ... والقد مالانت مطاويه بتفال
محمد بن لعبون

واخلي اللي في محاجر عيونه ... خيل مشاهير تطارد بهلها
راكان بن حثلين

يرزقني رزاق الحيايا بجحرهـــــا ... لاخايلت برق ولا هيب حايلــــه
ترى رزق غيري ياملا ما ينولني ... ورزقي يجي لو كل حي يحايله
حجرف الذويبي

موتي عزيز عند الاجناب برى ... اشوى ولا عند الرفاقه ذليلي
نمر العدوان

انا اشهد شهادة حق مايجرح الرجال ... سوى كلمة تاتيه من صاحب غالي
زيد بن غيام

لو تنصف الناس مانحتاج للقاضي ... تلقى المحاكم خفيفات مشاكلها
سليمان الهويدي

لا والله الا يارجاجيل رجــــــــــــال ... يلوي ولا تلوي عليه الحبالــــــــي
حول على حمر الطرابيش بحبال ... مثل الهبيل اللي من العقل خاوي
حويدي العاصمي

ماني على زين الحكايا بخيلـــــــي ... هرج على غير النشاما غثا بال
الله على اللي هرجهم يستوي لي ... اللي ليا شدو بعيدين منـــــزال
فجحان الفراوي

اتغيشم وانا لي مقصد(ن) ثاني ... واذخر القيل لن انه يجي حله
عبدالله الصبي

الدله اللي ماتبهر من الهيل ... مثل العجوز اللي خبيث نسمها
شاعر شلوي

ان قلتني عشيري بالهوى فدوة له ... ذبح خلي حلال وذبح غيره حرامي
ضويحي بن رميح

لا ياليت ربي يوم ســـــــــــــــــــوى ... عبيده حط بالطيب علامـــه
على شان الذي في الناس جاهل ... يعرف الحر من برق الجهامه
ابراهيم بن مزيد

ياناشد عني تراني شليويـــح ... نفسي على قطع الخرايم عزومي
لا قلت الوزنه وربعي مشافيح ... اخلي الوزنه لربعي واشومـــــــــي
شليويح العطاوي

لا مالقيت البيت قبلي مفوه ... لنفس به عن طقة الباب شيمه
عبيد الاسعدي

من شق ثوب الناس شقو وزاره ... ومن ضحك بالثرمان يضحك بلا سن
شالح بن هدلان

مايستشك ياحسين كود الرديين ... ولا ترى الطيب وسيع بطانه
عبدالله الرشيد

انا ليا كثرت لشاوير ماشير ... حلفت ماتي بارز(ن) مادعاني
انا خويه بالليالي المعاسير ... ولا الرخا كل(ن) يسد بمكاني
شالح بن هدلان

عصا العز لا تومي بها كل ساعه ... خطر(ن) على عيال النسا يكسرونها
شاعر مجهول

ماهم بخافيني رجال الشجاعه ... ودي بهم مير المناعير صلفين
شفي مسكين بوسط الجماعه ... يرعى غنمهم والبهم والبعارين
مويضي البرازيه

(عيسى) يقول الحرب للمال نفاد ... انشد مسوي السيف هو ليش حانيه
لا صار مانرويه من دم الاضـــــــداد ... ودوه يم ( العرفجيه ) ترويــــــــــــــــــــه
عبدالله الرشيد

احسب ماللجمايل على الدنيا جحـــــود ... لين حطيت معروفي بناس(ن) وجحدوه
اشهد من يفعل الجود في اللي ما يجود ... مثل من حجج على غاربه ذباح ابـــــوه
حمد هادي المسردي

خمسة عشر فنجال لحنيف صبيت ... لو صار بطنه قربة قد ملاها
ناصر العبد الكريم

ماني وانا بندر ببياع دمــــــــــــــه ... خسران يابياع دمه وشاريــــــــــه
احد(ن) يحاوي بالرجى بنت عمه ... واحد(ن) يحاول ستر عذرا عوانيه
بندر بن سرور

العود يوم انه يجيب العيالي ... يبغى بتالي العمر لذة وطرباه
عبيد الاسعدي




رد مع اقتباس
 


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:58 AM.


Powered by vBulletin® Version 3.8.7
Copyright ©2000 - 2019, vBulletin Solutions, Inc. Trans by
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009